26.08.2019,Понедельник, 10:05
Мы в социальных сетях:
Главная » Постаці слаўныя краю майго

Постаці слаўныя краю майго

Навіны:  “Постаці слаўныя краю майго”

 


 

Палажэнне (вытрымкі) аб правядзенні  конкурсу “Постаці слаўныя краю майго” у межах рэспубліканскай акцыі  «Я гэты край Радзімаю заву»

  1. Агульныя палажэнні рэспубліканскай акцыі «Я гэты край Радзімаю заву»

1.1. У адпаведнасці з планам работы Міністэрства адукацыі на 2019 год, ззагадам Міністра адукацыі Рэспублікі Беларусь ад 18 сакавіка 2019 года № 202, Інструкцыяй аб парадку правядзення рэспубліканскіх мерапрыемстваў установамі дадатковай адукацыі дзяцей і моладзі з удзелам навучэнцаў, зацверджанай пастановай Міністэрства адукацыі Рэспублікі Беларусь ад 6 ліпеня 2011г. № 59, у 2019 годзе ў рамках рэспубліканскай акцыі «Я гэты край Радзімаю заву» (далей – Акцыя) праводзіцца рэспубліканскі конкурс даследчых работ «Малая радзіма вялікіх людзей».

  1. Асаблівасці правядзення конкурсу

2.1.  Рэспубліканскі  конкурс даследчых работ «Малая радзіма вялікіх людзей» (далей – конкурс) праводзіцца Установай адукацыі «Рэспубліканскі цэнтр экалогіі і краязнаўства» сумесна з рэдакцыяй газеты «Пераходны ўзрост».

2.1. Намінацыя «Постаці слаўныя краю майго» праводзіцца рэдакцыяй газеты «Пераходны ўзрост».

2.2. Конкурс праводзіцца  з сакавіка па лістапад 2019 года.

2.3. Асноўныя мэты і задачы конкурсу:

— фарміраванне ў навучэнскай моладзі грамадзянскіх і патрыятычных каштоўнасных арыенціраў, гонару і павагі за дасягненні сваіх землякоў, адказнасці за захаванне духоўнай і матэрыяльнай спадчыны сваёй малой радзімы;

далучэнне навучэнцаў да даследавання жыццёвага і творчага шляху вядомых людзей малой радзімы;

паглыбленне інтэлектуальнага патэнцыялу дзяцей і навучэнскай моладзі праз далучэнне іх да пошукавай і творчай дзейнасці;

умацаванне сувязі паміж пакаленнямі праз далучэнне навучэнцаў да матэрыяльнай і духоўнай спадчыны суайчыннікаў;

папулярызацыя імёнаў славутых землякоў, выяўленне і заахвочванне лепшых юных журналістаў – актыўных удзельнікаў конкурсу.

2.4. У конкурсе прымаюць удзел навучэнцы ўстаноў адукацыі ва ўзроставай катэгорыі 12 – 16 гадоў.

2.5. Навучэнцамі ўстаноў адукацыі прадстаўляюцца на конкурс індывідуальныя творчыя работы інфармацыйна-публіцыстычных жанраў (нататка, інтэрвью, эсэ), дзе распавядаецца пра адметных землякоў-сучаснікаў (важныя вехі жыццядзейнасці, дасягненні, справы на карысць вялікай і малой радзімы і г.д.).

2.6. Конкурсныя работы (тэкст – да 3 000 знакаў (паўтары старонкі фармата А4), пажадана з фотадакументальным суправаджэннем) прадстаўляюцца ў электронным выглядзе, маюць тытульную старонку (з пазначэннем вобласці, раёна/горада, установы адукацыі, назвы працы), інфармацыю пра аўтара работы (прозвішча, імя, імя па бацьку, клас/група) і пра кіраўніка (прозвішча, імя, імя па бацьку, пасада), а таксама нумары кантактных тэлефонаў.

2.7. Конкурс праводзіцца ў адзін этап (рэспубліканскі) у два туры: папярэдні і выніковы. На папярэднім – рэдакцыя разглядае дасланыя матэрыялы для вызначэння іх годнасці да публікацыі. Лепшыя творчыя работы друкуюцца (пры неабходнасці – у рэдагаваным выглядзе) на старонках газеты і выстаўляюцца на абмеркаванне чытачоў. Іх аўтары становяцца фіналістамі конкурсу і адзначаюцца граматамі газеты «Пераходны ўзрост». Па выніках абмеркавання чытачоў вызначаецца ўладальнік спецыяльнай узнагароды газеты «Пераходны ўзрост». Інфармацыя пра фіналістаў размяшчаецца на «старонцы славы» газеты «Пераходны ўзрост».

На выніковым – рэспубліканскае журы, разгледзеўшы работы фіналістаў, вызначае пераможцаў і прызёраў.

2.8. Конкурсныя матэрыялы дасылаюцца да 10 кастрычніка 2019 года ў рэдакцыю газеты «Пераходны ўзрост» на e-mail: p_vozrast@tut.by альбо на адрас: 220013, г. Мінск, пр. Незалежнасці, 77. Тэлефон/факс: 8 (017) 215 05 13.

  1. Падвядзенне вынікаў конкурсу

3.1. Пры падвядзенні вынікаў конкурсаў Акцыі пры роўнай колькасці балаў на падставе рашэння журы можа ўсталёўвацца адпаведная колькасць прызавых месцаў (першае, другое, трэцяе).

3.2. Пераможцы і прызёры заключнага этапу конкурсаў Акцыі ўзнагароджваюцца дыпломамі I, II, III ступені і сувенірамі арганізатараў.

Сайт Президента Республики Беларусь Министерство образования Республики Беларусь